Tolosaldeko Hitza

2008-07-15 | 18:24:15

Gizonezko bat atxilotu dute, bikotekidea jo eta meatxatzeaz akusatuta

Emakumeari eta bien seme-alabei irainak egitea egotzi diote.

Ertzaintzak 23 urteko gizonezko bat atxilotu du gaur Villabonan, atzo gauean bere bikotekidea -emakumezkoa- jotzeaz eta hari mehatxuak eta irainak egiteaz akusatuta.

Ez du erantzunik

2008-07-09 | 17:31:41

Espainiaren esku utzi du Frantziak Oskar Zelarain euskal presoa

Beste bi presorekon batera, Eneko Agirresarobe eta Kristina Goirizelaia, Espainian epaituko dute

Frantziako Poliziak hiru euskal preso entregatu dizkio Espainiako Poliziari, Espainiako Auzitegi Nagusian hainbat auzirengatik epai ditzaten. Horien artean, Oskar Zelarain Villabonakoa eta Eneko Agirresarobe eta Kristina Goirizelaia Gonzalez Fruizkoa.

Ez du erantzunik

2008-06-16 | 16:00:39

Julen Zelarainen aurkako eskaera 10 urtetik 13 urte bitartera igo du fiskalak

Joan Mari Olano eta Aitor Jugorekin batera, Zelarain "ETAko buruzagitzat" jo du Carlos Bautista fiskalak

Amnistiaren Aldeko Mugimenduaren aurkako epaiketan, fiskalak Julen Zelarain billabonatarraren aurkako espetxe zigorra 10 urtetik 13 urtera igo du. Carlos Bautista fiskalak Zelarain bera, Joan Mari Olano eta Aitor Jugo "ETAko buruzagitzat" jo ditu eta hiru auzipetuei hiruna urte igo dizkie eskaerak. Beste 18 auzipeturen kontra 10 urteko eskaerei eutsi die, AAMko kide ziren heinean etakide zirela iritzita. Beste hiruren kontrako karguak atzera bota ditu. Fiskalaren arabera, "auzipetuek epaiketan izan duten jarrerak" argiago utzi du "erakunde terroristako kide" direla. Epaiketa salatzeko, manifestaziora deitu dute Iruñean heldu den larunbaterako. 18:00etan hasiko da, autobus geltokitik.

Ez du erantzunik

2008-06-07 | 14:16:33

Flemingo kurtso bukaerako emanaldia

Bertako kiroldegian egindako jaialdian, Pirritx eta Porrotxen kanta bat dantzatzen

Ez du erantzunik

2008-05-07 | 21:29:13

Bilkura hasieran tentsio uneak bizi izan dira aretoan

Ez du erantzunik

2008-05-07 | 20:46:31

EAJ-PNVk eta PSE-EEk Villabonako Udalean aurkeztutako mozioa atzera bota du Udalbatzak

Udala osatzen duten 6 hautetsi independentistek aurka bozkatu dute eta EAJ-PNVtik bilkurara joandako hiruk alde bozkatu zuten, PSE-EEren zinegotziarekin batera

Amasa-Villabonako udaletxean ohiko bilkura egin dute gaur 20:00etan. Bertan bi mozio aurkeztu dituzte.

2 erantzun

2008-04-21 | 13:21:49

Ordozgoiti eta Inza txapeldun Udaberri Txapelketan

Behar-Zanako bikoteak 22-9 irabazi dute

Behar-Zana kirol elkarteko Ilazki Ordozgoiti eta Ander Inza bikoteak  Jubeniletako 3. mailan Gipuzkoako Udaberri Txapelketa irabazi dute Urnietako pilotalekuan. Aurkariak Irungo Kurpil-Kirolak elkarteko Ballesteros eta Ugarte izan ziren. Ligaxkako partidan 22-18ko emaitzaz galdu bazuten ere, finalean erraz gailendu ziren. Partida hasi eta berehala zulo handia ireki zuten eta 16-2 ko aldeaz ere ipini ziren aurretik. Azkenean 22-9 irabazi zuten eta txapelketa etxera ekarri zuten.  

Ez du erantzunik

2008-04-18 | 14:58:26

Villabonako AAM: «Gu geu ere epaituak sentitzen gara»

Amnistiaren Aldeko Mugimenduaren aurkako epaiketa hasiko da astelehenean; Julen Zelarain da auzipetuetako bat

Villabonako Amnistiaren Aldeko Mugimenduak (AAM) prentsarrekoa egin du Julen Zelarain billabonatarrari babesa emateko. Astelehenean AAM aurkako epaiketa hasten da Espainiako Auzitegi Nazionalean eta Zelarain da auzipetuetako bat. Prentsaurrekoan azaldu zenez, «gu geu ere epaituak sentitzen gara. Elkartasuneko eta errepresioaren salaketarako hamaika ekimenen partaide izan garelako eta aurrerantzean ere partaide izaten jarraitu nahi dugulako».

Erantzun 1