Edukira joan

Tolosaldeko Hitza

Villabona
2008ko irailak 8, Astelehena

2008-04-18 | 14:58:26

POLITIKA

Villabonako AAM: «Gu geu ere epaituak sentitzen gara»

Amnistiaren Aldeko Mugimenduaren aurkako epaiketa hasiko da astelehenean; Julen Zelarain da auzipetuetako bat

Villabonako Amnistiaren Aldeko Mugimenduak (AAM) prentsarrekoa egin du Julen Zelarain billabonatarrari babesa emateko. Astelehenean AAM aurkako epaiketa hasten da Espainiako Auzitegi Nazionalean eta Zelarain da auzipetuetako bat. Prentsaurrekoan azaldu zenez, «gu geu ere epaituak sentitzen gara. Elkartasuneko eta errepresioaren salaketarako hamaika ekimenen partaide izan garelako eta aurrerantzean ere partaide izaten jarraitu nahi dugulako».

Prentsaurrekoan 25 lagun inguru bildu ziren eta Julen Zelarain bera ere bertan izan zen. Herriko preso politikoak ere gogoan izan zituzten beraien argazkiekin. AAMak azaldu zuenez, datorren astetik hasita epaitu nahi dutena «Estatuen biolentzia eta errepresioaren salaketa eta euskal preso nahiz errepresaliatu guztiekiko elkartasuna da».
AAMren aurkako epaiketarekin, Frantziako eta Espainiako estatuak «euskal gizartearen eta munduarean aurrean biluzten dituen» eta bere izaera «ez demokratikoa» begi bistako egiten duen «lekuko nagusia erditik kendu» nahi dutela salatzen dute.
Prentsaurrekoan bildu zirenek, AAMk egiten duen lana ez dela delitua esan zuten: «Dispertsioa salatzea ez da delitua. Tortura salatzea ez da delitua. Errepresioa salatzea eta pertsonen eskubideak babestea ez da delitua. Elkartasuna ez da delitua. Preso, iheslari eta beraien senitartekoak lagundu eta babestea ez da delitua». Salaketak egitera eta elkartasuna adieraztera bultzatzen duen «salbuespen egoera, eskubide urraketak, tortura ahalbidetzen duen tresneria... dira delituak», azaldu dute.
AAMren aurkako epaiketa salatzeko hainbat mobilizazio eta ekintza antolatu dituzte. Eskualdean ere egingo dira. Prentsaurrekoan bildutakoek dei egiten dute Euskal Herriko gizarte guztiari ekitaldi hauetan parte hartzera.

Mobilizazioak
Apirilak 25: Mobilizazio eguna Euskal Herrian.
Maitzak 6: Kultur mailako eragileen prentsaurrekoa.
Maiatzak 8: Eskualdeko manifestazioa Tolosan.
Maiatzak 10: Mendi martxa Uzturrera. Bertan ekitaldia egingo da.
Maiatzak 17: Manifestazio nazionala Bilbon.
Maiatzak 8: Eskualdeko manifestazioa Tolosan.

 

zabaldu.com
bildu.net
digg.com
del.icio.us

 

Jasotako erantzunak:

Mezua idatzi

1

2008-04-18

Duintasunaren adibide zarete. Amnistia eta askatasuna!

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Tolosa Herria Hedabideak S.L. - Araba etorbidea 5, atzea 20400 - TOLOSA - Tel.: 943 65 56 95
Faxa: 943 65 00 18 - E-posta:

Internet Ehuntzen S.L.-k garatua

Tolosa Herria Hedabideak S.L.ko kideak: Galtzaundi Euskara Taldea
Bertako Hedabideak (EKT)
eta Tolosaldeko Berriak Kultur Elkartea: 77 gizarte eragile.